စာကြည့်တိုက်
ဇာနရက်ဖွင့်ပါလဲ။
စာကြည့်တိုက်ကို တနလ်ာကနီ
သောကြာနီထိ၊ မိုးထ (၉) နာရီကနီ ညစာ (၃) နာရီအထိ ဖွင့်ပါရေ။ တပတ်ကို (၅)
ရက်ဖွင့်ပြီးကေ၊ စနေ၊ တနဂ်နွေ ပိတ်ပါရေ။
စာအုပ် ဇာနအုပ်လောက်
ဟိပါလဲ။
စာကြည့်တိုက်မှာ
စာအုပ်ပေါင်း (၂၈၀၃) အုပ်ဟိရပါရေ။
စာကြည့်တိုက်မှူး
ဇာနယောက် ဟိပါလဲ။
စာကြည့်တိုက်မှူး
(၁)ယောက်၊ အကူစာကြည့်တိုက်မှူး (၁) ယောက်။ စုစုပေါင်း (၂) ယောက်ဟိပါရေ။
စာအုပ် ဇာပုံစံမျိုး
ဌားရပါလဲ။
စာအုပ်ဌားဖို့ဆိုကေတော့
စာကြည့်တိုက်အသင်းဝင်ထားရဖို့ ဖြစ်ပါရေ။ စာအုပ်ဌားခ အခမဲ့ ဖြစ်ပါရေ။
စာကြည့်တိုက် အသင်းဝင်ခ
ဇာလောက် ပီးရပါလဲ။
(၁၈)
နှစ်အောက် အသင်းဝင်တိအတွက် အသင်းဝင်ခ အခမဲ့ ဖြစ်ပါရေ။ အသင်းဝင်လျောက်လွှာကို အခမဲ့
တောင်းယူနိုင်ပါရေ။ (၁၈) နှစ်အထက် အသင်းဝင်တိအတွက် အသင်းဝင်ခ ငွေ (၃,၀၀၀) ကျပ်ဟိပါရေ။ လစဉ်အလှူငွေလည်း ဆန္ဒအလျောက် ထည့်ဝင်လို့ရပါရေ။
တခါဌားကေ စာအုပ် ဇာနအုပ်
ဌားခွင့် ဟိပါလဲ။ ဇာပုံစံမျိုးဌားပါလဲ။
တခါဌားကေ စာအုပ်(၁)
အုပ်ဌားခွင့် ရှိပါရေ၊ အချေတိကတော့ ဌားထားရေစာအုပ်ကို (၃)ရက်ထက်မပိုပဲ
ပြန်အပ်ရဖို့ ဖြစ်ပြီးကေ၊ လူကြီးတိကတော့ခါ (၇)ရက်ထက်မပိုပဲ
ပြန်လာအပ်ရဖို့ဖြစ်ပါရေ။
စာကြည့်တိုက်ရန်ပုံငွေ
ဇာပုံစံမျိုး ထည့်နိုင်ပါလဲ။
စာကြည့်တိုက်ကို
လူကိုယ်တိုင် လာပနာ ထည့်ဝင်နိုင်ပါရေ။
Online ကနီ
Mobile Banking နဲ့ ထည့်ပီးလို့ရပါရေ။ KPay, Wave
Pay, KBZ Bank, AYA Bank, Western Union ကနီ ရန်ပုံငွေ
ထည့်ဝင်ပီးလို့ ရပါရေ။